Анатацыя: У паэтычнай кнізе «Узняўся белы птах» сабраныя творы Уладзіміра Пецюкевіча, напісаныя ў розныя гады яго творчага жыцця.
У іх — шчырыя пачуцці і роздумы пра каханне, лёс і нялёгкі шлях нашай Бацькаўшчыны, пра яе мінулае і сучаснасць.
Паэзія аўтара жыве ў музыцы: многія яго вершы атрымалі другое жыццё дзякуючы беларускім кампазітарам — Дзмітрыю Даўгалёву, Мар’яну Пецюкевічу, Міколу Алешку, Леаніду Захлеўнаму, Паўлу Ярашэнку і іншым.
На словы паэта створаны араторыя «Зорка Палын», кантата «Дарога–сцяжына матулі і сына», дзіцячая музычная казка «Птушыны кірмаш» (музыка Дз. Даўгалёва), а таксама песенны альбом беларускага вяселля «За маладых!» (музыка М. Алешкі).
Гэта кніга — сведчанне творчай адданасці, любові да роднага слова і духоўнай моцы, што ўзносіць, як белы птах, над штодзённасцю.