Анатацыя: У кнізе ўпершыню максімальна поўна сабрана творчая спадчына беларускага каталіцкага святара Кастуся Стэповіча, вядомага як выдатны беларускі паэт Казімір Сваяк (1890–1926). Акрамя вядомых у свой час асобных выданняў зборніка вершаў “Мая ліра”, п’ес “Янка Канцавы” і “Купалле", дзённіка “Дзея маёй мыслі, сэрца і волі”, у кнігу ўвайшлі раскіданыя па заходнебеларускай перыёдыцы 1910—1920-х гадоў шматлікія вершы, апавяданні, жарты, публіцыстычныя артыкулы на злабадзённыя тэмы тагачаснага жыцця, літаратурная і мастацтвазнаўчая крытыка. Упершыню паводле аўтографаў друкуюцца таксама некаторыя вершы і лісты-паштоўкі з месца санаторнага лячэння паэта Закапанэ. У дадатку прадстаўлены важныя для найглыбейшага пазнання паэта выбраныя біяграфічныя (успаміны) і літаратурна-крытычныя матэрыялы, а таксама найбольш глыбокія і прачулыя вершы пра паэта.